Tata Ev News: भारतीय वाहन बाजारात इलेक्ट्रिक वाहनांची मक्तेदारी कायम राखण्यासाठी TATA.ev ने एक अत्यंत आक्रमक आणि ग्राहकांसाठी फायदेशीर पाऊल उचलले आहे. टाटा मोटर्सने आता आपल्या संपूर्ण इलेक्ट्रिक कार पोर्टफोलिओमध्ये Battery-as-a-Service (BaaS) ही अभिनव प्रणाली लागू केली आहे.
या नव्या पर्यायामुळे ग्राहकांना कार खरेदी करताना बॅटरीच्या संपूर्ण किमतीचा आर्थिक भार एकदम उचलावा लागणार नाही. परिणामी, टाटाच्या ई-कार्सच्या सुरुवातीच्या किमतींमध्ये तब्बल लाखो रुपयांची घट पाहायला मिळत असून, Tiago.ev आता अवघ्या ₹4.69 लाखांच्या सुरुवातीच्या किमतीत खरेदी करता येणार आहे.
सगळ्याच मॉडेल्सवर BaaS ची सुविधा उपलब्ध!
सुरुवातीला टाटाने ही योजना प्रायोगिक तत्त्वावर केवळ Tiago.ev आणि Punch.ev यांसारख्या निवडक मॉडेल्सपुरती मर्यादित ठेवली होती. मात्र वाढती मागणी पाहता, आता Nexon.ev, Curvv.ev, आगामी Sierra.ev आणि Harrier.ev या सर्व प्रमुख ई-कार्सवर BaaS पर्याय लागू करण्यात आला आहे.
BaaS (Battery-as-a-Service) म्हणजे नेमक काय?
सामान्यतः कोणत्याही इलेक्ट्रिक कारच्या एकूण किमतीमध्ये जवळपास ३५% ते ४०% वाटा हा केवळ बॅटरी पॅकचा असतो. यामुळे पेट्रोल-डिझेल गाड्यांच्या तुलनेत इलेक्ट्रिक कार खरेदी करताना सुरुवातीला जास्त पैसे मोजावे लागतात.
BaaS प्रणालीमध्ये नेमके काय होते?
- कार आणि बॅटरीची विभागणी: कार खरेदी करताना तुम्ही फक्त गाडी खरेदी करता (बॅटरी शिवाय); बॅटरी तुम्हाला भाडेतत्त्वावर (रेंटल/सबस्क्रिप्शन) दिली जाते.
- प्रति किलोमीटर शुल्क: तुम्ही महिनाभरात जेवढे किलोमीटर गाडी चालवाल, त्यानुसार प्रति किलोमीटरच्या हिशोबाने बॅटरीचे भाडे भरावे लागते.
- स्वतंत्र ईएमआय (EMI): कार आणि बॅटरीसाठी स्वतंत्र कर्जपुरवठा (Finance) केला जातो. ग्राहक आपल्या सोयीनुसार कर्जाचा कालावधी आणि डाऊनपेमेंट निवडू शकतात.
(टीप: या बॅटरी भाड्यात चार्जिंग, सर्व्हिसिंग किंवा देखभाल खर्चाचा समावेश नसेल, तो खर्च नेहमीप्रमाणे वाहनमालकालाच करावा लागेल.)
Tata च्या कोणत्या कारची किंमत किती कमी झाली?
BaaS पर्याय निवडल्यास ग्राहकांना सुरुवातीला किती रक्कम द्यावी लागेल आणि प्रति किमी बॅटरी शुल्क किती असेल, याचा सविस्तर तक्ता खालीलप्रमाणे आहे:
| मॉडेल | बॅटरी क्षमता | सामान्य सुरुवातीची किंमत | BaaS सह सुरुवातीची किंमत | प्रति किमी बॅटरी शुल्क |
| Tiago.ev | 19 kWh | ₹6.99 लाख | ₹4.69 लाख | ₹2.6 / किमी |
| Punch.ev | 30 kWh | ₹9.79 लाख | ₹6.59 लाख | ₹2.6 / किमी |
| Nexon.ev | 45 kWh | ₹14.34 लाख | ₹8.99 लाख | ₹4.4 / किमी |
| Curvv.ev | 55 kWh | ₹17.19 लाख | ₹10.99 लाख | ₹5.0 / किमी |
| Sierra.ev | 63 kWh | ₹18.79 लाख | ₹11.99 लाख | ₹5.5 / किमी |
| Harrier.ev | 65 kWh | ₹21.79 लाख | ₹14.49 लाख | ₹5.9 / किमी |
हेही वाचा: भन्नाट 100V तंत्रज्ञानासह येतेय नवीन इलेक्ट्रिक बाइक; लाँचची तारीख ठरली, पाहा काय असेल खास!.
ग्राहकांसाठी हा पर्याय फायदेशीर कसा ठरेल?
- सुरुवातीचा आर्थिक ताण कमी: सामान्य मध्यमवर्गीय कुटुंबासाठी थेट ₹10 किंवा ₹15 लाख खर्च करणे कठीण जाते. अशा वेळी अवघ्या ₹4.69 लाखांत Tiago.ev किंवा ₹8.99 लाखांत Nexon.ev घरी आणता येईल.
- वापरानुसार पैसे: जर तुमचा महिन्याचा प्रवास मर्यादित असेल, तर बॅटरीसाठी तुम्हाला जास्त पैसे देण्याची गरज पडणार नाही. जितकी गाडी धावेल, तितकाच बॅटरीचा खर्च येईल.
- वारंटी आणि तंत्रज्ञानाची हमी: कार BaaS वर घेतली तरी कंपनीचे वॉरंटी नियम, आफ्टर-सेल्स सर्व्हिस आणि इतर सुविधांमध्ये कोणताही बदल होणार नाही.
किमती जास्त असल्यामुळे अनेक ग्राहक पेट्रोल-डिझेल कार सोडून ईव्हीकडे वळण्यास कचरत होते. टाटाच्या या निर्णयामुळे आता इलेक्ट्रिक कार्स सर्वसामान्यांच्या बजेटमध्ये आल्या आहेत. ज्यांचे रोजचे रनिंग मध्यम स्वरूपाचे आहे आणि ज्यांना सुरुवातीला कमी डाऊनपेमेंटमध्ये ब्रँडेड ई-कार हवी आहे, त्यांच्यासाठी हा Battery-as-a-Service पर्याय अत्यंत फायदेशीर ठरू शकतो.
